உன்னோடு தொடர்புடைய அனைத்தும்
தினமும் ஏதாவது ஒரு
தினமும் ஏதாவது ஒரு
சர்ச்சையை உண்டாக்கிக்கொன்டே இருக்கின்றன! -
நீ மார்போடு அணைத்துக்கொள்ளும் உன்
புத்தகம் கூட சமயங்களில் பொய் சொல்கிறது! -
நீ இதயமில்லாதவள் என !
நீ கண்ணியமில்லாதவள் என !
நீ கருணை இல்லாதவள் என!
நீ அணியும் காலணியும் சில நேரங்களில்
உனக்கு கல்லணை கட்டி பொய்
கட்டியம் கூறுகிறது! -
கட்டியம் கூறுகிறது! -
நீ நடை சரி இல்லாதவள் என!
நீ ஒரு ஓட்டப்பந்தய வீராங்கனை என!
நீ வாரியணைத்து ஆசையாய்
கொஞ்சும் அடுத்தவீட்டுக்குழந்தையும்
கன்னம் குழி விழ உன்னை கேலி செய்கிறது! -
நீ ஒரு பைத்தியம் என!
நீ ஒரு கிறுக்கி என!
உன் பிம்பத்தைக்காட்டும் ஆளுயர கண்ணாடியும்
உன்னைப்பற்றிஒரு முழு நீள கேலிச்சித்திரத்தை
வரைந்து விட்டுப்போகிறது! -
நீ இந்தப்பிரபஞ்ச பேரழகி என!
நீ ஒரு வேடதாரி என!
காலையில் கண் விழித்து
இந்த உலகத்தை நீ பார்க்கும் போது - அந்தக்காலமும்
சில நேரம் உன்னை சந்தேகத்தோடு பார்க்கிறது ! -
நீ ஒரு கலகக்காரி என!
நீ ஒரு கோபக்காரி என!
ஆனால் -
மனதில் எந்த சஞ்சலமும் இல்லாமல்
உன்னைப்பற்றி என் ஆத்மா சொல்லும் - நீ
இரக்கமே இல்லாத ஒரு கொலைகாரி என!
கருத்துகள் இல்லை:
கருத்துரையிடுக